الفخ الأكبر.. احذروا حرب الوكالة وتدمير ما تبقى من الأمة! ⚠️
يا جماعة لازم نفتح عينينا كويس على اللي بيحصل في الكواليس. أمريكا وإسرائيل النهاردة بيطبقوا سياسة اضربهم ببعض واخرج إنت منها المخطط واضح وصريح جر الدول العربية لحرب شاملة ضد إيران عشان العرب وإيران يخلصوا على بعض وإسرائيل تطلع هي الكسبانة الوحيدة وتبني حلمها من النيل إلى الفرات على أنقاض جثثنا.
ليه لازم نقلق ونفوق؟
رسائل التحذير الأمريكية: طلب أمريكا من رعاياها مغادرة أكتر من 12 دولة في الشرق الأوسط بما فيهم مصر! مش إجراء روتيني، ده مؤشر إنهم بيجهزوا ساحة معركة ومستعدين يحرقوا المنطقة باللي فيها وهما يتفرجوا من بعيد.
لعبة الفتنة (ضرب أرامكو) اللي حصل بالأمس بضرب شركة أرامكو في السعودية هو محاولة مكشوفة لجر المملكة والمنطقة للحرب. إسرائيل بتلعب بالنار عشان تخلق صدام مباشر بين العرب وإيران، وتستنزف قوة الاتنين.
رسالة إلى إيران: بنقولها بمنتهى الصراحة، ضرب القواعد الأمريكية داخل الدول العربية هو اعتداء على سيادة الأراضي العربية وخطأ استراتيجي كبير ده بيخلي الشعوب العربية في حالة غضب وبيسهل مهمة الفتنة لازم إيران تحترم سيادة جيرانها لو فعلاً هدفها مواجهة المحتل.
نعم للوحدة.. لا للفتنة إحنا مع ( جيش عربى واحد) لو الهدف هو تحرير فلسطين وضرب الكيان المحتل لكن إننا نضرب بعض سنة وشيعة أو عرب وإيرانيين عشان خاطر عيون واشنطن وتل أبيب ده انتحار جماعي!
الخلاصة:
إسرائيل هي المستفيد الوحيد من خناقتنا هما عاوزينا نولع في بعض عشان يضمنوا أمنهم لـ 100 سنة قدام. يا حكامنا ويا شعوبنا الوحدة الإسلامية العربية هي طوق النجاة لازم نوقف أي حرب بينية ونوجه كل طاقتنا لعدو واحد مبيفرقش بيننا وهو الكيان الصهيوني.
"وَاعْتَصِمُوا بِحَبْلِ اللَّهِ جَمِيعًا وَلَا تَفَرَّقُوا"
اللهم احمِ مصر، والسعودية، والعراق، و الاردن و سوريا و اليمن والكويت و قطر و البحرين و سلطنة عمّان و الامارات و لبنان وكل شبر في بلادنا من كيد الكائدين.
#لا_للحرب_البينية #وحدة_العرب #حلم_إسرائيل_لن_يتحقق #الوعي_أمانة