بعنوان
حق الشعب… وواجب النائب
الشعب لما يختار نائبه مش بيدّيه لقب ولا وجاهة اجتماعية،
الشعب بيسلّمه أمانة… أمانة دائرة كاملة، وناس تعبانة، وبيوت مستنية اللي يسمعها ويدافع عنها.
من حق المواطن يشوف نايبه موجود في الشارع،
سامع شكوى الغلبان قبل صاحب النفوذ،
واقف مع الحق مش مع المصالح،
وخايف على الدائرة كأنها بيته وولاده.
واجب النائب مش بس تحت القبة،
واجبه الحقيقي يبدأ من المستشفى اللي مافيهاش علاج،
ومن الوحدة الصحية اللي محتاجة تطوير،
ومن مدرسة سقفها بيقع على عيالنا،
ومن شارع مكسّر، وصرف صحي بايظ، ومياه مقطوعة.
النائب الحقيقي:
يراقب يسعي لحل مشاكل الناس
دون زياده عبء على الدوله
يضغط على الجهات المسؤول
ينقل صوت الناس من غير تزييف ولا تجميل.
يدافع عن حق المواطن في صحة محترمة،
وتعليم يليق بولادنا،
وبنية تحتية تحفظ كرامة الإنسان.
مش مطلوب من النائب معجزات،
لكن مطلوب منه ضمير حي،
وشغل بجد،
وحضور دائم،
وإحساس بالمسؤولية.
الدائرة مش موسم انتخابات،
والناس مش أرقام في كشوف،
الناس أرواح وحياة واحتياجات يومية.